طريقة إستخراج فيزا سياحة للإمارات

إنهارده انا جايبلكم كذا طريقة من خلالها هتخلوا الذكاء الإلكتروني يشتغل مكانكم وده هيكون عن طريق رائد الذكاء الإصطناعي Chat gpt

في ناس هتقولي يا أحمد هو مبيشتغلش في كل الدول ولا يهمك انا كمان جايبلك أفضل بدائل ليه واللي بيشغلوه بطريقة تانيه من بلدك, بس خليني أقولك إن كل الإستراتيجيات اللي بجيبهالك للربح من الإنترنت هي تعتبر نقطة في بحر

والذكاء الإصطناعي ده مجرد وسيلة ودورك إنك تستخدمة بذكاء عايزك تركز كويس معايا عشان تعرف الطريقة الصحيحة

 

في البداية قبل ما نعرف إزاي نربح من إستراتيجيات chat gpt خليني أقولك على الموقع البديل ليه واللي هو مجاني

 وهو موقع POE( الموقع هنا )

بكل بساطة أول ما تفتحة هتلاقي طلب منك تسجل دخول ممكن تدخل بحساب جوجل بتاعك عادي اول ما هتدخل هتلاقي المكان اللي تكتب فيه أي حاجه إنت عايز تكتبها أو تسأل عنها وهيبدأ يجاوبك بكل بساطة أكنك على موقع Chat gpt نفسه

 

طيب خلينا نعرف بقى إزاي نربح من CHAT GPT

عندنا أكتر من طريقة وكلها إستراتيجيات عن تجربة شخصية يعني ممكن تلاقي حد تاني عنده إستراتيجيات تانيه انا زي ماقلتلك إن الذكاء الإصطناعي ده كتاب مفتوح

 

1-   اول إستراتيجية هي الترجمة الإحترافية مش ترجمة جوجل

زي ترجمة النصوص العلمية وغيرها طيب بقدر أستفاد منها ازاي دي يا أحمد بكل بساطة مواقع الفريلانس زي خمسات ومستقل وغيرهم هتقدر تقدم خدمة الترجمة الإحترافية عليها لأي حد محتاج يترجم أي حاجه مقابل مبلغ 5$ أو 10$ براحتك ودي طريقة مبيعرفهاش كل الناس لأنهم بيفكروا إن الترجمه صعبة لكن الذكاء الإصطناعي سهل كل حاجه كل اللي عليك بس إنك تقوله إنك عايز تترجم الكلام ده بإحترافية وهو هيترجمهولك يعني هتكتبلة Translate so professional وتكتب الكلام اللي بالعربي جمبه وتدوس إنتر هتلاقيه ترجمها في أقل من ثانية بإحترافية والدليل إنك لو أخدت الكلام نفسه اللي بالعربي لجوجل هتلاقي الترجمه ضعيفة في المعنى

وفي فرق بينها وبين ترجمة chat gpt وده اللي الناس عايزاه بالظبط ودي كانت أول إستراتيجية نقدر نستخدمها في Chat gpt ونكسب فلوس منها

 

2-   الطريقة التانية وهي الإجابة على بعض الواجبات المدرسية أو الأسئلة اللي بيطرحها زوار الموقع

هيكون من خلال موقع إسمه studypool  ( الموقع هنا )

وبتاخد عليها من 5$ الى 40$ أو أكتر كل اللي عليك إنك تدوس على كلمة Become a Tutor ولو نزلنا تحت شوية هنلاقي بعض الأسئلة اللي سألها الناس وتم الإجابة عنها عشان بقى نسجل في الموقع هندوس على كلمة APPLY NOW وندخل بياناتنا ونعتمد على CHAT GPT بعد كده في شغلنا عليه