طريقة إستخراج فيزا سياحة للإمارات

 

هعرفك إنهارده على 4 مواقع هتكسب من خلالهم فلوس كتير جداً بأقل مجهود وممكن من خلال موبايلك كمان

في مواقع منها ممكن يطلعلك أي مبلغ إنت اللي تحددة كمان

 

الموقع الأول pexels  ( من هنا )

ودي تجربة شخصية بقالى معاه أكتر من 5 سنين

وهو موقع مجاني لتحميل الصور والفيديوهات بنقاء وجودة عالية

طيب يا احمد انا ازاي هكسب من الموقع ده

إنت بكل بساطة مش هتدخل عليه عشان تنزل صور وفيديوهات

لا إنت اللي الناس هينزلوا الصور اللي بتحطها

يعني بمعنى أصح إنت هترفع عليه صور تحس إن الناس هتدور عليها أو فيديوهات

زي إيه مثلاً

واحد بيروح الأهرامات وطبعاً صور الأهرامات مطلوبة بإٍستمرار

أو مثلاً بيحب يصور الطبيعه أو البحر او الحيوانات او الورد

وكذلك يعني الأفكار كتييير

دانت حتى ممكن تصور الرمل اللي على الأرض بس من زاوية مميزة تخلي الصورة تشد الناس

بس يا سيدي

الناس اللي هتدخل تنزل الصور بتاعتك دي او الفيديوهات من البروفايل بتاعك

هيظهرلهم الطريقة اللي انت عايزهم يدعموك بيها

زي مثلاً في ناس بتحط أكونت الإنستجرام لو عايزين يجيلهم فولورز

او في ناس بتحط حساب الباي بال بتاعهم عشان يدخلهم فلوس وكذلك

طريقة التسجيل سهله

إنت بتسجل في الموقع بكل بساطه وبعدين بتدخل ترفع الصور او الفيديوهات

وهيكون ليك 50 مره يومياً وكله مجاني

بس هم بيشترطوا عليك إن الحجات دي تكون بجودة حلوة وحصرية يعني مش واخدها من حد

الموقع إن شاء الله هيكون ليه فيديو تفصيلي اعرفكم أكتر عليه وإزاي تسجلو وتعملو كل حاجه

لو إنت عايز ياريت تكتبلي في الكومنتات عشان أعرف مين مهتم بالموقع ده

 

الموقع الثاني bgremove

( من هنا )

ده موقع بسيط جداً

وظيفتة إنه بيحل محل الفوتوشوب في خدمه مطلوبة بإستمرار وهي إزالة خلفيات الصور

هو بقى هيسهل عليك الموضوع ده

بيتم إزالة خلفية أي صورة بضغطة واحده

كل اللي عليك إنك بترفع الصورة على الموقع وهو لوحده بيشيل الخلفية وممكن تحطيلها خلفيه كمان

طيب انا بستفاد إيه من الموقع ده برضو

في منصات فريلانس بيكونوا محتاجين ناس تقدملهم خدمات زي دي

زي موقع خمسات وفيفر وغيرهم

إنت كل اللي عليك هتروح المنصات دي وتكتب الخدمة اللي انت بتقدمها وهتاخد على كل صورة تشيل خلفيتها 5$ وفي أكتر على حسب العرض بتاعك

 

الموقع الثالث foap ( من هنا )

وده لمحبي تصوير الصور أو الفيديوهات القصيرة

تقدر من خلال الموقع ده تكسب مالايقل عن 300$ شهرياً

الموقع بكل بساطه عبارة عن مخزن للصور والفيديوهات بتقدر تستخدمها الشركات في الدعاية والإعلانات بتاعتها

فطبعاً كل ما كانت صورك وفيديوهاتك مميزة كل ما أخدتها الشركات ودفعتلك المقابل

كل اللي عليك إنك تنزل البرنامج على موبايلك وترفع عليه الصور او الفيديوهات

 

قبل ما أقولك على الموقع الرابع

خليني أقولك المفاجأة بقى هي إن الفيديو الجاي إن شاء الله هعرفك على موقعين بتبعتلك دولارات بدون ما تشتغل فيها ولا حتى تعمل أي حاجه لكن بيطلبوا منك حاجه واحده بس وهي إن يكون عندك نت على موبايلك او الكمبيوتر

 

الموقع الرابع playtestcloud 

( من هنا )

وده لمحبي الألعاب

الموقع ده فكرتة إنه بيقيم الألعاب عن طريق الناس نفسهم

يعني هو بيطلب منك إنك تعمل دونلوود لألعاب هو بيرشحهالك على حسب نوع الموبايل بتاعك او الكمبيوتر بتاعك

ومن خلال لعبك بتقدر تقيم اللعبه دي وبيدولك فلوس على حسب اللعبه

من خلال المعلومات اللي بتحطها في الموقع لما تسجل فيه بيعرفوا نوع موبايلك وبيبعتولك على الايميل الالعاب اللي تتناسب مع موبايلك