طريقة إستخراج فيزا سياحة للإمارات

مشروع صغير على الإنترنت تربح منه مدى الحياة حتى لو لم تشتغل

إنهارده أنا مش جايبلك موقع تربح منه بس لا ده يعتبر مشروع صغير ليك في البيت الربح فيه مستمر مالانهاية حتى لو معملتش عليه حاجه بعد كده يعني طول مانت قاعد بيجيلك فلوس حتى لو إنت مش فاتحه أصلاً.

الموقع ده تقدر تربح تربح منه أي مبلغ إنت تحددة وبأسهل ما يمكن في ناس بيستخدموه عشان ينزلوا منه صور وفيديوهات لأي حاجه تحلم بيها أو لو عايزها لشغلك لإنه بينزل الصور والفيديوهات مجاناً وبجودة ممتازة إحنا بقى هنعرف إزاي ناخد فلوس منه بدون ما ننزل منه ولا صور ولا فيديوهات

 

الموقع ده إسمه pexels

والموقع ده نظامة إنك بتقدر تنزل منه صور وفيديوهات بجودة عالية ومجاناً

إنت اللي هترفع عليه الصور أو الفيديوهات يعني بدل ما تدخل تنزل منه صور وفيديوهات

إنت اللي هترفعهم عليه فطبعاً إنت هترفع عليه صور وفيديوهات تحس إن الناس هيحتاجوها

يعني مثلا مناظر طبيعية, حيوانات موجودة في بلدك ومش موجوده في بلاد تانية, لو ساكن جمب الأهرامات مثلا تصورها بطريقة حلوه, يا باشا إنت ممكن تصور أي حاجه بس تحاول تكون فنان شوية في اللقطة

عشان حتى لو الواحد مش داخل عشان يحملها من الموقع لما يشوفها بالصدفة يدخل يحملها

 

طيب خلينا نشوف أكتر إنت بتكسب إزاي الفلوس من التحميل ده

الأول هتسجل في الموقع من كلمة join وتسجل إنك contribute او مساهم في الموقع

وتبدأ تدخل حسابك بتاع جوجل أو تكتب بيانات جديدة

هتلاقي بيقولك تقدر ترفع 50 صورة أو فيديو في اليوم

ومن تعديل البروفايل جوه هتحط البيبال بتاعك اللي هيجيلك عليه الفلوس

وهتنزل تحت تحط اكونتات السوشيال ميديا بتاعتك اللي عايزها تظهر للناس عشان يشتركوا عليها برضو

 

طبعاً في صفحة رئيسية للصور والفيديوهات وممكن تعمل سيرش على الحاجه اللي عايز تنزلها من الموقع

أنا دلوقتي كواحد عايز ينزل فيديو من الموقع ده عن للأهرامات مثلاً

هختار videos وهدخل في السيرش أكتب pyramids

هيجيلي كل فيديوهات الأهرامات اللي الناس حطينها على الموقع اللي إنت هتكون واحد منهم لما تشتغل على الموقع ده فهشوف الفيديو اللي يعجبني وعايز أنزله وممكن ادوس على كلمة داونلوود عشان ينزلة على طول مجانً او ممكن ادوس على الفيديو نفسة عشان يفتحهولي واتفرج عليه أحسن

طيب أنا مثلاً مدوستش داونلوود ودوست على الفيديو عشان اتفرج شويه عليه وأنزله بعد كده وهلاقي برضو free download فوق وهلاقيه فاتحلي منها القياسات بتاعة التحميل والمساحات الصغيرة هدوس داونلوود وهينزلي مجاناً

 

بس زي ما هو هينزلي مجاناً كمان صاحب الفيديو ممكن يكسب فلوس

أولاً طبعا هو هيكون حاطت اكونتات السوشيال ميديا بتاعتة لو عايز تتابعه ودي طريقة تزود المتابعين عنده بسهولة

ثانياً هيكون في كلمة إسمها Donate ودي لو اللي بينزل الفيديو عايز يحطلك فلوس هيدوس عليها ويبعتلك فلوس

اول ما يدوس عليها هيظهر حساب البيبال بتاعك اللي إنت ضايفة لما سجلت في الموقع ومن خلالة هيقدر يحطلك أي مبلغ وبكده تكون كسبت من لا شئ ده غير كمان إنك مش محتاج ترفع فيديوهات كل شوية لا ده الفيديو ده هيفضل موجود على الموقع وممكن يقعد يجيبلك فلوس طول اليوم من الناس اللي بتقعد تنزلة وتدفعلك فلوس وهيجيبلك متابعين كمان على السوشيال ميديا بتاعتك اللي إنت ضايفها في حسابك

 

وبكده إنت تكون كسبت من الموقع ده بصورة مستمرة حتى لو إنت ناسي الموقع أصلاً ومبتفتحوش لإنك أوريدي حاطت حساب البيبال بتاعك والناس بتبعت عليه

دي كده طريقة للربح الكويس والسهل واللي مش هتلاقي ناس كتير يكلموك عليها ومستمرين إن شاء الله في إننا نعرفك الطرق دي اللي بتمشي مع الولاد والبنات واللي معندهمش حتى أي خبرة في أي مجال ومحتاجين دخل حلال وسهل

 الموقع من هنا